ನಗುವು
ನಗಲು ಕಾರಣವ ಹುಡುಕದಿರು ಮನವೇ !
ಮನದೊಳಗೆ ಶಾಂತಿ, ನೆಮ್ಮದಿಯು ತುಂಬಿರಲು
ಅನುದಿನವು, ಅನುಕ್ಷಣವು ಹಸನ ವಪ್ಪುದು
ಬಾಳು ಭಾಗ್ಯದಾ ಸಿರಿಯೇ..
ಭಾಗ್ಯಶ್ರೀ ಕೆಕ್ಕಾರ
(ಭಾಗೀ ಹೆಗಡೆ ಕಲ್ಲಳ್ಳಿ)
೮/೧೨/೨೧
ನಗು ನಗುತಲಿರು ಮಲ್ಲಿಗೆಯಂತೆ
ಇರಬೇಕು ಇರುವಂತೆ ತೊರೆದು ಸಾವಿರ ಚಿಂತೆ ಮುಂಜಾನೆ ಮಲ್ಲಿಗೆಯು ಅರಳಿ ನಗುವಂತೆ ಅರಿವಿರದೆ ಪರಿಮಳವ ಹರಡಿ ಬಿಡುವಂತೆ ಯಾವುದಕೂ ಬೀಗದೆ ಬಾಗುವುದು ಒಳಿತಂತೆ ! ಅಹಂಕಾರವದು ಬಳಿಯಲೂ ಸುಳಿಯದಂತೆ ಸಮಯ, ಸಂದರ್ಭಕೆ ನಡೆವುದು ದೇವನಿರ್ಣಯದಂತೆ ! #ಭಾಗ್ಯೋದಯ