ಚುಟುಕು
ಸಿಹಿಯನು ತಿನಲು ಬಲು ರುಚಿಯೆಂದು
ಸಿಹಿಯ ಬಯಸುವದು ಜಿಹ್ವೆಯೆಂದೂ
ಸಿಹಿಯು ಹೆಚ್ಚಿದರೆ ಮಾರಕವೆಂದೂ
ಹಿತ-ಮಿತವಿದ್ದರೆ ಹಿತವದು ಮುಂದೂ
ಭಾಗ್ಯಶ್ರೀ ಕೆಕ್ಕಾರ
(ಭಾಗೀ ಹೆಗಡೆ ಕಲ್ಲಳ್ಳಿ)
೦೨/೦೨/೨೨
ನಗು ನಗುತಲಿರು ಮಲ್ಲಿಗೆಯಂತೆ
ಇರಬೇಕು ಇರುವಂತೆ ತೊರೆದು ಸಾವಿರ ಚಿಂತೆ ಮುಂಜಾನೆ ಮಲ್ಲಿಗೆಯು ಅರಳಿ ನಗುವಂತೆ ಅರಿವಿರದೆ ಪರಿಮಳವ ಹರಡಿ ಬಿಡುವಂತೆ ಯಾವುದಕೂ ಬೀಗದೆ ಬಾಗುವುದು ಒಳಿತಂತೆ ! ಅಹಂಕಾರವದು ಬಳಿಯಲೂ ಸುಳಿಯದಂತೆ ಸಮಯ, ಸಂದರ್ಭಕೆ ನಡೆವುದು ದೇವನಿರ್ಣಯದಂತೆ ! #ಭಾಗ್ಯೋದಯ