ಚುಟುಕು
ಸೂತ್ರದ ಗೊಂಬೆಗಳು ನಾವು
ಅವನಾಡಿಸಿದಂತೆ ಆಡುವೆವು
ಮೇಲಿರುವವನೆ ಸೂತ್ರಧಾರ!
ನಾವೆಲ್ಲ ಪಾತ್ರದಾರಿಗಳು !
*ಚುಟುಕು*
ಸೂತ್ರವು ಬೇಕು ಗಾಳಿಯ ಪಟಕೆ
ಜೋರಾಗಿ ಎಳೆದರೆ ದಾರ ತುಂಡಾಗುವ ಭಯ !
ಹಿತ - ಮಿತದಲಿ ಎಳೆಯುತಿರೆ
ಆಗಸದಲಿ ನೋಡಲು ಬಣ್ಣ ಬಣ್ಣದ ಸೊಬಗು !
ಭಾಗ್ಯಶ್ರೀ ಕೆಕ್ಕಾರ
೧೪/೨/೨೨
ನಗು ನಗುತಲಿರು ಮಲ್ಲಿಗೆಯಂತೆ
ಇರಬೇಕು ಇರುವಂತೆ ತೊರೆದು ಸಾವಿರ ಚಿಂತೆ ಮುಂಜಾನೆ ಮಲ್ಲಿಗೆಯು ಅರಳಿ ನಗುವಂತೆ ಅರಿವಿರದೆ ಪರಿಮಳವ ಹರಡಿ ಬಿಡುವಂತೆ ಯಾವುದಕೂ ಬೀಗದೆ ಬಾಗುವುದು ಒಳಿತಂತೆ ! ಅಹಂಕಾರವದು ಬಳಿಯಲೂ ಸುಳಿಯದಂತೆ ಸಮಯ, ಸಂದರ್ಭಕೆ ನಡೆವುದು ದೇವನಿರ್ಣಯದಂತೆ ! #ಭಾಗ್ಯೋದಯ