ಬೆನಕನಿಗೆ ಶರಣು

🙏 *ಎಮ್ಮನು ಕಾಯೋ  ಓ ಬೆನಕ* 🙏

ಬೆನಕ  ಬೆನಕ  ಏಕದಂತ

ಎಮ್ಮನು ಕಾಯೋ ಕೊನೆತನಕ//ಪ//

ಭಕ್ತಿಯಿಂದಲಿ ನಾ ಪೂಜಿಸುವೆ

ರಾಗ ತಾಳದಿ ಭಜನೆಯ ಪಾಡುವೆ

ವಿಘ್ನನಿವಾರಕ  ನೀನು  ಗಣೇಶ 

ಬುದ್ದಿಪ್ರದಾಯಕ ಹೇ  ವಿನಾಯಕ//೧//

ಕಷ್ಟವ ಕಳೆಯುವ ದೊರೆಯಾಗಿ

ಇಷ್ಟವ ನೀಡುವ ಹರಿಯಾಗಿ

ನೆಮ್ಮದಿ ನೀಡುವ ಗಣನಾಥ

ನಮ್ಮನು ಹರಸೋ ವರದಾತಾ//೨//

ಭಕ್ತಿಯ ಮಾರ್ಗವ ತೋರಿಸು ದೊರೆಯೇ

ಭಕ್ತಿಯ ಪಥದಲಿ ನಡೆಸೋ ದೊರೆಯೇ

ಚಂಚಲ ಮನಸನು ನೀಗಿಸು ದೊರೆಯೇ

ಸಂಚಿತ  ಕರ್ಮವ  ಕರಗಿಸು  ದೊರೆಯೇ//೩//

ನಿನ್ನಯ  ಪಾದಕೆ ಎರಗುವೆ ದೇವ

ನಿನ್ನಯ ನಾಮವ ಸ್ಮರಿಸುವೆ ದೇವ

ಗೌರಿಯ ಪುತ್ರ ಗಣೇಶ್ವರ ದೇವ

ಗೌರವದಲಿ ನಡೆಸೆಮ್ಮನು ದೇವ//೪//

✍️✍️ ಭಾಗ್ಯಶ್ರೀ ಕೆಕ್ಕಾರ