ಅರಿತು ಬಾಳು

ಜನಿಸಿದಾಗ ಜ್ಞಾನವಿಲ್ಲ , ಬಾಲ್ಯದಲಿ ಅಪ್ಪ ಅಮ್ಮ
ಸರ್ವರನೂ   ಸಾಕಿ ಸಲಿಪರು
ಯೌವನದಲಿ ಎಲ್ಲಾ ತಿಳಿದ ಹಾಗೆ ನಟಿಪರು
ಕೆಲಸ ದೊರಕೆ  ಧನದ ಹಿಂದೆ ಓಡಿ ನಲಿಪರು

ಮುಪ್ಪು ಬರಲು ಅರಿವುದೆಲ್ಲ
ಸಮಯ ಸರಿದು ಬಿಡುವದೆಲ್ಲ
ಜನನ ಮರಣ ಎರಡರ  ನಡುವೆ
ಧನವೆ ಎಲ್ಲವೆಂದು  ಮೆರೆವ ಮನುಜರು !

ಧನ ,ಕನಕ ,ವಜ್ರ ,ವಡವೆ ಎಲ್ಲ ಬಿಟ್ಟು 
ತೆರಳಬೇಕು ಯಮನ ಕರೆಯು ಬರಲದು
ಧನಕ್ಕಿಂತ ಗುಣವೇ ಮೇಲು  ಎಂಬುದನು
ಅರಿತು ಬಾಳು   ಮೂಢ ಮನುಜನೆ !

✍️✍️ಭಾಗ್ಯಶ್ರೀ ಕೆಕ್ಕಾರ
೨೩/೦೨/೨೦೨೨

Popular posts from this blog

ನಗು ನಗುತಲಿರು ಮಲ್ಲಿಗೆಯಂತೆ

ಇರಬೇಕು ಇರುವಂತೆ ತೊರೆದು ಸಾವಿರ ಚಿಂತೆ ಮುಂಜಾನೆ ಮಲ್ಲಿಗೆಯು ಅರಳಿ ನಗುವಂತೆ ಅರಿವಿರದೆ ಪರಿಮಳವ ಹರಡಿ ಬಿಡುವಂತೆ ಯಾವುದಕೂ ಬೀಗದೆ ಬಾಗುವುದು ಒಳಿತಂತೆ ! ಅಹಂಕಾರವದು ಬಳಿಯಲೂ ಸುಳಿಯದಂತೆ  ಸಮಯ, ಸಂದರ್ಭಕೆ ನಡೆವುದು ದೇವನಿರ್ಣಯದಂತೆ ! #ಭಾಗ್ಯೋದಯ
Read more

ಮೌನ

ಮಾತನಾಡುವ ಸಮಯದಲಿ ಮಾತನಾಡುವ ಕಲೆಯು ಮೌನದಲಿರುವ ಸಮಯ ಬಂದಾಗ ಮೌನಕ್ಕೆ ಬೆಲೆಯು ಮಾತು, ಮೌನದ ಅರ್ಥ ತಿಳಿದರುವುದು ಒಳ್ಳೆಯದು  ಸಮಯ , ಸಂದರ್ಭಕೆ ತಕ್ಕಂತ ನಡೆಯೆ ಉತ್ತಮವದು. ಮೌನ  ಬರುವುದೆಲ್ಲವು ಬರಲಿ  ನಡೆ ಮುಂದೆ ಸಹಿಸುತಲಿ ಬಳಲಿ ಬೆಂಡಾಗದಿರಲಿ  ಮನವೆಂದಿಗೂ ಬಾಡದಿರಲಿ ದೇವಕರುಣೆಯೊಂದಿರಲಿ ತಾಳ್ಮೆಯದು ಹೆಚ್ಚಿರಲಿ  ದೇವನಿತ್ತಿಹ ಭಾಗ್ಯ ಕಣ್ಣೆದುರಲಿ ಮೌನದಲಿ ಶರಣಾಗು ದೇವನಲ್ಲಿ🙏🙏 #ಭಾಗ್ಯೋದಯ ✍🏻ಭಾಗ್ಯಶ್ರೀ ಕೆಕ್ಕಾರ
Read more

ಆಸೆ , ಪರೀಕ್ಷೆ ( ಚುಟುಕು)

ಬದುಕಿನ ಪರೀಕ್ಷೆಗಳಿಗೆ ಪಾಠಗಳ ನೀಡುವುದಿಲ್ಲ ಅನಿರೀಕ್ಷಿತ ಪರೀಕ್ಷೆಗಳು ದಿನ ದಿನವು ಬರುವುದಲ್ಲ ನಕಲು ಮಾಡಲು ಯಾರಿಂದಲೂ ಸಾಧ್ಯವಿಲ್ಲ  ಅವನೆಣಿಕೆಯ ಬಾಳುವೆಯದು ಅರಿವಿಹುದಲ್ಲ ಶಾಲೆಯಲ್ಲಿ ಮಾರ್ಕ್ಸ್ ಗಾಗಿ ಓದು ಓದು ಎನ್ನುವ ಶಿಕ್ಷೆ ಬದುಕಿನಲಿ ನಿರೀಕ್ಷಿಸದೆ ಬರುವ ತರ ತರದ ಪರೀಕ್ಷೆ  ಪರೀಕ್ಷೆ ಬರೆದು ಮಾರ್ಕ್ಸ್ ಗಾಗಿ ಕಾಯುವ ನಿರೀಕ್ಷೆ ಬದುಕಿನಲಿ ಅವನಾಶೀರ್ವಾದವೆ ನಮಗೆ ಶ್ರೀರಕ್ಷೆ ಅತಿಯಾದ ಆಸೆಗಳ ಬೆನ್ನತ್ತಿ ಸಾಗುವರು ಆರೋಗ್ಯ ಹದಗೆಟ್ಟಾಗ ಕೊರಗುವರು ಆರೋಗ್ಯಕ್ಕಾಗಿ ದುಡಿದಿರುವುದ ಸುರಿವರು ವತ್ತಡದಲೇ ಬದುಕ ಸವೆಸಿ ನಡೆವರು ಬದುಕಿನಲಿ ಆಸೆಗಳಿಗೆ ಕೊನೆಯೆಂಬುದಿಲ್ಲ ಮನಸನು ಹಿಡಿತದಲಿರಿಸಿ ಸಾಗಲೇ  ಬೇಕಲ್ಲ ಅತಿಯಾದರೆ ಅಮೃತವು ವಿಷವವಾಗುವುದು ಅದನರಿತು ಬಾಳು ನಡೆಸಲು ಸುಂದರವದು
Read more