🙏ಗಣಪನಿಗೆ ಶರಣು🙏

ಬೆನಕ  ಬೆನಕ  ಏಕದಂತ

ನಮ್ಮನು ಕಾಯೋ ಕೊನೆತನಕ//ಪ//

ಭಕ್ತಿಯಿಂದಲಿ ನಾ ಪೂಜಿಸುವೆ

ರಾಗ ತಾಳದಿ ಭಜನೆಯ ಪಾಡುವೆ

ವಿಘ್ನನಿವಾರಕ  ನೀನು  ಗಣೇಶ 

ಬುದ್ದಿಪ್ರದಾಯಕ ಹೇ  ವಿನಾಯಕ//೧//

ಕಷ್ಟವ ಕಳೆಯುವ ದೊರೆಯಾಗಿ

ಇಷ್ಟವ ನೀಡುವ ಹರಿಯಾಗಿ

ನೆಮ್ಮದಿ ನೀಡುವ ಗಣನಾಥ

ನಮ್ಮನು ಹರಸೋ ವರದಾತಾ//೨//

ಭಕ್ತಿಯ ಮಾರ್ಗವ ತೋರಿಸು ದೊರೆಯೆ

ಭಕ್ತಿಯ ಪಥದಲಿ ನಡೆಸೋ ದೊರೆಯೆ

ಚಂಚಲ ಮನಸನು ನೀಗಿಸು ದೊರೆಯೆ

ಸಂಚಿತ  ಕರ್ಮವ  ಕರಗಿಸು  ದೊರೆಯೆ//೩//

ನಿನ್ನಯ  ಪಾದಕೆ ಎರಗುವೆ ದೇವ

ನಿನ್ನಯ ನಾಮವ ಸ್ಮರಿಸುವೆ ದೇವ

ಗೌರಿಯ ಪುತ್ರ ಗಣೇಶ್ವರ ದೇವ

ಗೌರವದಲಿ ನಡೆಸೆಮ್ಮನು ದೇವ//೪//

✍️✍️ ಭಾಗ್ಯಶ್ರೀ ಕೆಕ್ಕಾರ

೨೩/೦೨/೨೦೨೨