ಕಾಯಕವೆ ಕೈಲಾಸ

ಕಾಯಕವೆ  ಕೈಲಾಸ, ಕಾಯಕವೆ ನನ್ನುಸಿರು

ವರುಷವದು ದೇಹಕ್ಕೆ ,ಹರುಷವಿದೆ ಬಾಳಿನಲಿ

ವರುಷದಲೂ ,ಹರುಷವ ಮರೆಯದಿರು ಮನಸಿನಲಿ

ಸಂತಸದಿ ಕಾಯಕವ ಮುನ್ನಡೆಸೋ ಹರಿಯೇ !

ಮಗುವಿನ ತರದಲಿ  ನಗುತಿರುವ ಜೀವ

ಕಾಯಕವ ನಡೆಸುತಿದೆ ಹಿರಿದಾದ ದೇಹ

ಸಂತಸದ ಬದುಕನ್ನು ನಡೆಸಲನುಗೃಹವಿತ್ತು

ಕಾಪಾಡು ಎಮ್ಮನು ಅನುದಿನವು ದೇವಾ !

ಮುದಿ ತನದಲ್ಲೂ ದುಡಿಯುತಿಹ ದೇಹ

ತನ್ನೊಟ್ಟೆ  ಪಾಡನು ಸಾಗಿಸುವ ಜೀವ

ಯಾರಿಗೂ ಹೊರೆಯಾಗದಂತೆ ಬದುಕಿ

ಜೀವನದ ಪಯಣದಿ ಕೊನೆಗೊಳುವ ದೇಹ

ಭಾಗ್ಯಶ್ರೀ ಕೆಕ್ಕಾರ