ನಗು , ಆನಂದ
ಹಾಸ್ಯವು ಎಲ್ಲರ ನಗಿಸುವಂತಿರಲಿ
ಪರರ ಬೇಸರಕೆ ಕಾರಣವಾಗದಿರಲಿ
ನಗುವಿರೆ ಮೊಗ ಸದಾ ಅರಳುವುದು
ಮನೆಯೆಲ್ಲಾ ನಂದನವನವಾಗುವುದು
ಪ್ರತಿ ಕ್ಷಣವು ಮನಸಿನಲಿ ಆನಂದವಿರಲಿ
ಯಾವುದಕ್ಕೂ ಮನ ಕೋಪಗೊಳ್ಳದಿರಲಿ
ಕಾಣದ ದೇವನಲಿ ಭರವಸೆಯಿಡು ಮನವ
ನಗು ನಗುತ ಸಾಗಿಸು ಜೀವನದ ಪಯಣವ
೨೭/೦೮/೨೦೨೨
ನಗು ನಗುತಲಿರು ಮಲ್ಲಿಗೆಯಂತೆ
ಇರಬೇಕು ಇರುವಂತೆ ತೊರೆದು ಸಾವಿರ ಚಿಂತೆ ಮುಂಜಾನೆ ಮಲ್ಲಿಗೆಯು ಅರಳಿ ನಗುವಂತೆ ಅರಿವಿರದೆ ಪರಿಮಳವ ಹರಡಿ ಬಿಡುವಂತೆ ಯಾವುದಕೂ ಬೀಗದೆ ಬಾಗುವುದು ಒಳಿತಂತೆ ! ಅಹಂಕಾರವದು ಬಳಿಯಲೂ ಸುಳಿಯದಂತೆ ಸಮಯ, ಸಂದರ್ಭಕೆ ನಡೆವುದು ದೇವನಿರ್ಣಯದಂತೆ ! #ಭಾಗ್ಯೋದಯ