ಭಾಗ್ಯದಾ ಸಿರಿಯೇ

ಬೀಸುವ ಗಾಳಿಗೆ ಬೇಧ ಭಾವವಿಲ್ಲ

ಸುಗಂಧ ದುರ್ಗಂಧಗಳೆಂದು

ಬೇಧವೆಣಿಸದೆ ಎಲ್ಲವನ್ನೂ

ಹೊತ್ತೊಯ್ಯುತದೆ ಗಾಳಿಯಲ್ಲಿ

ಗುಡಿಸಲೋ,ಅರಮನೆಯೋ ಎಂಬ ಬೇಧ ಭಾವವಿಲ್ಲ

ಬೆಳಕ ನೀಡುವ ಸೂರ್ಯನಿಗೆ

ಎಲ್ಲೆಡೆಯೂ ಪಸರಿಸುವನು ⛅ ತನ್ನ ಕಿರಣಗಳನ್ನ

ಬಡವನೊ,ಬಲ್ಲಿದನೊ ಎಂಬ ಬೇಧ ಭಾವವಿಲ್ಲ

ಸುರಿವ ವರುಣನಿಗೆ,ಬಂತೆಂದರೆ ಸಾಕು

ಎಲ್ಲರನ್ನೂ ತೋಯಿಸುವನು

ಧರಣಿಗೆ ಮೇಲು -ಕೀಳು ,ಬಡಲ -ಬಲ್ಲಿದನೆಂಬ

ಭೇದ ಭಾವವಿಲ್ಲ, ಎಲ್ಲರನ್ನೂ

ಹೊತ್ತು ನಿಂತಿದೆ ತನ್ನ ಮಡಿಲಿನಲಿ

ಉರಿಯುವ ದೀಪಕ್ಕೆ ಬೇಧಭಾವವಿಲ್ಲ

ಬಡವ,ಬಲ್ಲಿದರೆಂದು,ಸದಾ ಸುರುವಲೇ

ಬೇಕು ತೈಲವನ್ನ ಮಾತ್ರ

ಒಳ್ಳೆಯವರೊ,ಕೆಟ್ಟವರೊ ಎಂಬ ಬೇಧ ಭಾವವಿಲ್ಲ

ಕಣ್ಣಿಗೆ ಕಾಣಿಸದ ಆ ಭಗವಂತನಿಗೆ,

ಎಲ್ಲರೂ ಒಂದೆ ಅವನ ದೃಷ್ಟಿಯಲ್ಲಿ.

ಮತ್ಯಾಕೆ ನಮಗಿನ್ನು ಒಲ್ಲದ ಚಿಂತೆ

ನಮ್ಮ ನಾವು ಅರಿತು ಬಾಳಿದರೆ ಸಾಕಲ್ಲವೇ!!??

ಕರಮುಗಿದು ಬೇಡುವೆನು

ನಿನ್ನಯ ಚರಣಗಳಲಿ

ವಿನಾಯಕ ಲಂಬೋದರ

ಸತತ ಎಮ್ಮನು ಕಾಯೋ//ಪ//

ನಮ್ಮೆಲ್ಲರ ಬಾಳಿನ ಕಷ್ಟಗಳ ನೀಗಿಸು

ಸದಾ ಬಾಳಿನಲಿ ಆನಂದವ ಪಾಲಿಸು

ಹರಸು ಎಮ್ಮನು ಸತತ ವಿನಾಯಕನೆ//೧//

ದುಃಖ ದುಮ್ಮಾನ ಬಳಿಯಲಿ ಸುಳಿಯದಂತೆ

ದ್ವೇಷ ,ಅಸೂಯೇ ಮನದೊಳಗೆ ಬರದಂತೆ

ಸತತ ಎಮ್ಮನು ಕಾಯೋ ವಿನಾಯಕನೆ//೨//

ಆಶ-ಪಾಶಗಳ ಹಿಡಿತದಲಿ ಇರಿಸು

ನೇಮ ನಿಷ್ಟೆಗಳ ಬಾಳಿನಲಿ ನಡೆಸು

ಸದ್ಬುದ್ದಿ ಸೌಭಾಗ್ಯ ಕೊಟ್ಟು ಕಾಪಾಡು

ಸತತ ಎಮ್ಮನು ಕಾಯೋ ವಿನಾಯಕನೆ//೩//

ಸರ್ವರಿಗೂ ಸದಾ ಒಳಿತನ್ನು ನೀಡು ಪಾಲಿಸು

ಬಾಳಿನಲಿ ನೆಮ್ಮದಿ ಇತ್ತು ಕಾಪಾಡು

ಸತತ ಎಮ್ಮನು ಕಾಯೋ

ವಿನಾಯಕನೆ ವಿಘ್ನ ನಿವಾರಕನೆ

ಗಂಧ ಚಂದನ ಹಚ್ಚುವೆನು,ಕೆಂಪು ದಳದ ಪುಷ್ಪಗಳ ಪಾದಗಳಿಗೆ ಏರಿಸುವೆನು, ತುಪ್ಪದ ದೀಪ ಹಚ್ಚಿ -

ಕರ ಮುಗಿದು ಬೇಡುವೆನು,ಎಲ್ಲರನ್ನೂ ವಿಘ್ನಗಳಿಂದ

ದೂರಗೊಳಿಸು ವಿನಾಯಕ.