ಬಾಲ್ಯದ ಸಿಹಿ ಹೂರಣ

ಬಾ ಎಂದರೆ ಬರುವುದಿಲ್ಲ ,ಬೇಸರವು ತರವಲ್ಲ 

ಮನದ ಮೂಲೆಯಲ್ಲಿ ಅಡಗಿ ಕೂತಿದೆಯಲ್ಲ

ಸವಿನೆನಪು  ಆಗಾಗ  ಮರುಕಳಿಸುತಿದೆಯಲ್ಲ

ನೆನೆ ನೆನೆದು ಸಂತಸ ಪಡುತಿರಬಹುದಲ್ಲ !

ಬಂದಿಹುದ ಅನುಭವಿಸಿ ಸಾಗಲೇ ಬೇಕಲ್ಲ

ಇರುವುದರಲೆ ಮನವನು ಹಿಗ್ಗಿಸ ಬಹುದಲ್ಲ!

ಸುಂದರವಾದ ಬಾಲ್ಯದ ನೆನಪು ಸಹಜವದು

ಮತ್ತೆಲ್ಲಿ ಬರುವುದು ಕಳೆದಿರುವ ದಿನಗಳದು

ಊರಿನ ಗುಡ್ಡದ ನೆನಪು ಅಚ್ಚೊತ್ತಿ ಹುದು

ತರತರದ ಹಣ್ಣುಗಳು ಕಣ್ಣಮುಂದಿಹುದು

ನೆನಪು ಮೂಡಿ ಮನವು  ಸಿಹಿಯಾಗುತಿಹುದು!

ಓ ಬಾಲ್ಯವೇ ನೀನೆಷ್ಟು ಸುಂದರ ಸುಮಧುರ

ಅಕ್ಷರದಲಿ ಬರೆದು ಅದನು ತೋರಲಾರೆ

ಮಾತಿನಲಿ ನುಡಿದು ನಾನು ಹೇಳಲಾರೆ

ಹೃದಯದ ಗೂಡಲ್ಲಿ ಬಚ್ಚಿಟ್ಟ ಭಾವನೆಗಳ 

ತೆಗೆದು ಅದನು ತೋರಲಾರೆ...

ಓ ಬಾಲ್ಯವೇ ಸಿಹಿ ಸಿಹಿಯ ಹೂರಣವೆ

ನೆನಪಿನ ದೋಣಿಯನೇರಿ ಬಾಲ್ಯಕ್ಕೆ

ಮತ್ತೊಮ್ಮೆ   ಸಾಗುವೆ......😁😁

✍️✍️ಭಾಗ್ಯಶ್ರೀ ಕೆಕ್ಕಾರ

    ( ಭಾಗೀ ಹೆಗಡೆ ಕಲ್ಲಳ್ಳಿ)

೧೦/೦೪/೨೦೨೩