ಪ್ಯಾಟೆ ಕೆಲ್ಸ ಮುಗ್ಸಿಕ್ ಬಪ್ಪನ


ಮನೆಲಿನ್ನೂ ಕೆಲ್ಸಾಜಿಲ್ಲೆ
ಕೊಟ್ಗೆ ಕಂಬ್ಳ ಮಾಡವಿಲ್ಲೆ
ತೆರ್ಕು ತೋಟಕ್ ಹಾಕಾಜಿಲ್ಲೆ
ಕಟ್ಗೆ ಹೊರೆ ಹೊತ್ತಾಜಿಲ್ಲೆ

ಆಳ್ಗ ಯಾರು ಸಿಕ್ತವಿಲ್ಲೆ
ಪೋನ್ ಮಾಡ್ರೆ ತೆಗಿತ್ವಿಲ್ಲೆ
ಮಳೆಗಾಲ ಬಂದೋತು
ಕೆಲ್ಸ ಎಲ್ಲಾ ನಿಂತೋತು 

ಹಲ್ಸನ  ಕಾಯಿ ಬೆಳದ್ದಿಲ್ಲೆ
ಹಪ್ಳ ಮಾಡಲ ಕಾಯಿಲ್ಲೆ
ಮಾವ್ನಕಾಯಿ ಬಂಜಿಲ್ಲೆ
ಕೊಸ್ಗಾಯ ಹಾಕ ಕೆಲಸಿಲ್ಲೆ

ಗೇರ್ಬೆಳೆ  ಚೊಲೋ ಇದ್ದು
ಬಿಸ್ಲಲ್ಲಿ ಗೇರ್ಬಿಜ ಒಣ್ಗಸಾತು
ಡಬ್ಬಿ ತುಂಬಿ ಅಟ್ಟಕ್ ಇಟ್ಟಾತು
ಈ ಸಲದ ಮಳ್ಗಾಲಕ್ಕೆ ಸಾಕಾಗತು

ಮಲೆನಾಡಿನ  ಮಳೆಗಾಲ  ಅಂದ್ರೇ  ಹಿಂಗೇ..
ತೆರ್ಪಿಲ್ಲದೆ ಹಗ್ಲು -ರಾತ್ರೆ  ಹೊಯ್ತಾ ಇರ್ತು...
TSS ಲಿ ಮಳ್ಗಾಲದ ಕಂಬ್ಳಿ ಬಂಜನ
ಪ್ಯಾಟೆಕೆಲ್ಸಾದ್ರೂ ಮುಗ್ಸಿಕ್ ಬಪ್ಪನ ...

ಭಾಗ್ಯಶ್ರೀ ಕೆಕ್ಕಾರ
೨/೬/೨೦೨೩


 ✍️✍️ಭಾಗ್ಯಶ್ರೀ ಕೆಕ್ಕಾರ
೨/೦೬/೨೦೨೩






Popular posts from this blog

ನಗು ನಗುತಲಿರು ಮಲ್ಲಿಗೆಯಂತೆ

ಇರಬೇಕು ಇರುವಂತೆ ತೊರೆದು ಸಾವಿರ ಚಿಂತೆ ಮುಂಜಾನೆ ಮಲ್ಲಿಗೆಯು ಅರಳಿ ನಗುವಂತೆ ಅರಿವಿರದೆ ಪರಿಮಳವ ಹರಡಿ ಬಿಡುವಂತೆ ಯಾವುದಕೂ ಬೀಗದೆ ಬಾಗುವುದು ಒಳಿತಂತೆ ! ಅಹಂಕಾರವದು ಬಳಿಯಲೂ ಸುಳಿಯದಂತೆ  ಸಮಯ, ಸಂದರ್ಭಕೆ ನಡೆವುದು ದೇವನಿರ್ಣಯದಂತೆ ! #ಭಾಗ್ಯೋದಯ
Read more

ಮೌನ

ಮಾತನಾಡುವ ಸಮಯದಲಿ ಮಾತನಾಡುವ ಕಲೆಯು ಮೌನದಲಿರುವ ಸಮಯ ಬಂದಾಗ ಮೌನಕ್ಕೆ ಬೆಲೆಯು ಮಾತು, ಮೌನದ ಅರ್ಥ ತಿಳಿದರುವುದು ಒಳ್ಳೆಯದು  ಸಮಯ , ಸಂದರ್ಭಕೆ ತಕ್ಕಂತ ನಡೆಯೆ ಉತ್ತಮವದು. ಮೌನ  ಬರುವುದೆಲ್ಲವು ಬರಲಿ  ನಡೆ ಮುಂದೆ ಸಹಿಸುತಲಿ ಬಳಲಿ ಬೆಂಡಾಗದಿರಲಿ  ಮನವೆಂದಿಗೂ ಬಾಡದಿರಲಿ ದೇವಕರುಣೆಯೊಂದಿರಲಿ ತಾಳ್ಮೆಯದು ಹೆಚ್ಚಿರಲಿ  ದೇವನಿತ್ತಿಹ ಭಾಗ್ಯ ಕಣ್ಣೆದುರಲಿ ಮೌನದಲಿ ಶರಣಾಗು ದೇವನಲ್ಲಿ🙏🙏 #ಭಾಗ್ಯೋದಯ ✍🏻ಭಾಗ್ಯಶ್ರೀ ಕೆಕ್ಕಾರ
Read more

ಆಸೆ , ಪರೀಕ್ಷೆ ( ಚುಟುಕು)

ಬದುಕಿನ ಪರೀಕ್ಷೆಗಳಿಗೆ ಪಾಠಗಳ ನೀಡುವುದಿಲ್ಲ ಅನಿರೀಕ್ಷಿತ ಪರೀಕ್ಷೆಗಳು ದಿನ ದಿನವು ಬರುವುದಲ್ಲ ನಕಲು ಮಾಡಲು ಯಾರಿಂದಲೂ ಸಾಧ್ಯವಿಲ್ಲ  ಅವನೆಣಿಕೆಯ ಬಾಳುವೆಯದು ಅರಿವಿಹುದಲ್ಲ ಶಾಲೆಯಲ್ಲಿ ಮಾರ್ಕ್ಸ್ ಗಾಗಿ ಓದು ಓದು ಎನ್ನುವ ಶಿಕ್ಷೆ ಬದುಕಿನಲಿ ನಿರೀಕ್ಷಿಸದೆ ಬರುವ ತರ ತರದ ಪರೀಕ್ಷೆ  ಪರೀಕ್ಷೆ ಬರೆದು ಮಾರ್ಕ್ಸ್ ಗಾಗಿ ಕಾಯುವ ನಿರೀಕ್ಷೆ ಬದುಕಿನಲಿ ಅವನಾಶೀರ್ವಾದವೆ ನಮಗೆ ಶ್ರೀರಕ್ಷೆ ಅತಿಯಾದ ಆಸೆಗಳ ಬೆನ್ನತ್ತಿ ಸಾಗುವರು ಆರೋಗ್ಯ ಹದಗೆಟ್ಟಾಗ ಕೊರಗುವರು ಆರೋಗ್ಯಕ್ಕಾಗಿ ದುಡಿದಿರುವುದ ಸುರಿವರು ವತ್ತಡದಲೇ ಬದುಕ ಸವೆಸಿ ನಡೆವರು ಬದುಕಿನಲಿ ಆಸೆಗಳಿಗೆ ಕೊನೆಯೆಂಬುದಿಲ್ಲ ಮನಸನು ಹಿಡಿತದಲಿರಿಸಿ ಸಾಗಲೇ  ಬೇಕಲ್ಲ ಅತಿಯಾದರೆ ಅಮೃತವು ವಿಷವವಾಗುವುದು ಅದನರಿತು ಬಾಳು ನಡೆಸಲು ಸುಂದರವದು
Read more