ಜಲಪಾತ

ನೊರೆ ಹಾಲಿನಂತೆ ಹರಿಯುವ ಜಲಧಾರೆ

ಕಣ್ಮನ ಸೆಳೆಯುತಿದೆ ನೋಡೋಣ ಬಾರೆ

ತುಸು ಹೊತ್ತು ನಿಂತು ಭೊರ್ಗರೆತ ನೋಡಿ

ಮನದಿರಲೆಂದೆಂದೂ  ಸಂತಸದ ಮೋಡಿ !

ಕಾಡು ಮಲ್ಲಿಗೆಯು ಅರಳಿ ನಿಲ್ಲುವಂತೆ 

ನಿಸರ್ಗದಿ ನೊರೆ ಹಾಲಿನ ಸಂಭ್ರಮವಂತೆ

ಮಲ್ಲಿಗೆಯ ಕೊಯ್ಯದಿದ್ದರೂ ಅರಳುವಂತೆ 

ಜಲಪಾತದ ವೀಕ್ಷಣೆಯು ಮನದಿ ಹಸಿರಂತೆ !

ಮನದಿ ಮೂಡಲು ಬರೆವೆನು ಚುಟುಕು 

ಮುಂಜಾನೆ ಹೀರಿದೆನು ಚಹದ ಗುಟುಕು

ಇದೀಗ ಮನೆಗೆಲಸದಲಿ ತುಂಬಿದ ಹುರುಪು

ಅಕ್ಷರಗಳ ಕೂಡಿಸಲು ಸುಂದರ ಹೊಳಪು !

ಭಾಗ್ಯಶ್ರೀ ಕೆಕ್ಕಾರ